«Ўзтрансгаз» октябргача Ўзбекистон жанубидаги истеъмолчиларга 70 мингта маиший газ баллонини етказади

Сурхондарё вилоятида куз-қиш мавсумига тайёргарлик жараёнида таъмирлаш ишларининг вақтида бажарилиши юзасидан масъулиятнинг катта қисми энергия ва газ билан таъминловчи ташкилотлар зиммасига тушади, дея хабар бермоқда «12news.uz» «Правда Востока» газетасига таяниб.

Фото: 12news.uz

«Сурхондарёгаз» бошқармаси муҳандиси Алишер Саъдуллаев сўзларига кўра, вилоятда бешта суюлтирилган газ қуйиш шохобчалари ишлайди. «Ўзтрансгаз» АЖ томонидан молиялаштириладиган ёқилғи қуйиш ва маиший газ баллонлари сервиси пунктлари қурилиши учун пудратчи ташкилотлар аниқланди.
Октябргача «Ўзтрансгаз» истеъмолчиларга қарийб 70 мингта маиший газ баллонларини етказиб беради, шулардан 50 мингтаси ўз эгаларига етиб борган. Аҳолини кўмир билан таъминлаш бўйича режали ишлар давом этмоқда. «Сурхонкўмиретказувчи» унитар корхонаси бюджет ташкилотлари ва аҳолига 65 минг тоннадан зиёд кўмир етказиб беради.
Batafsil | Подробно | Read more... Daryo