Rossiya mudofaa vazirligi: Suriyada yana bir aviabaza yoki aerodromga ehtiyoj yo‘q

Rossiya mudofaa vazirligi Suriyada yangi aviabazani ishga tushirishni rejalashtirmagan. Bu haqda vazirlikning rasmiy vakili, general-mayor Igor Konashenkov ma’lum qildi, deya xabar beradi “TASS”.

Foto: “TASS”

“Suriya hududida yangi aviabaza yoki Rossiya harbiy samolyotlari uchun qo‘shimcha aerodrom yo‘q va ularni qurish ham rejalashtirilmagan. The Times e’lon qilgan manbalar soxtakorlik yoki Turkiya Suriya bilan chegarada, al-Qamishli hududida qo‘shinlarning yirik guruhini to‘playotganligidan chalg‘itishga bo‘lgan o‘xshovsiz urinishdan bo‘lak narsa emas. Biz avval ham qayta-qayta Suriyadagi aviaguruhimiz samolyotlari ushbu mamlakatning eng uzoq nuqtasidagi istalgan masofaga yarim soatda yetib borishini bildirganmiz”, — deya ta’kidlagan Konashenkov.
Eslatib o‘tamiz, oldinroq The Times Rossiya Suriyada ikkinchi aviabazasini ochib, u yerga qo‘shinlar yuborishga tayyorlanayotganligi haqida xabar bergandi .
Batafsil | Подробно | Read more... Daryo