“Baron” filmining Alisher Navoiy nomli kinosaroyidagi namoyishlariga bir kunda 7,5 ming tomoshabin keldi

Rejissor Rustam Sa’diyevning yangi — “Baron” nomli filmining Alisher Navoiy nomli kinosaroy (“Panorama”)dagi namoyishlariga 24-yanvar kuni 7,5 ming tomoshabin keldi. Bu haqda “Shov-shuv.uz” xabar bermoqda .

Foto: “Shov-shuv.uz”

Nashrning yozishicha, film premyerasining ertasiga kinosaroyga 4,5 ming tomoshabin kelgan, film kinosaroyning barcha 12 zalida namoyish etilgan. “Chunki boshqa biror filmga talab yo‘q”, — deb yozadi “Shov-shuv.uz”.
Jumladan, nashrning qayd etishicha, 24-yanvar, yakshanba kuni “Baron”ni tomosha qilish uchun “Panorama”ga 7,5 ming tomoshabin kelgan, 2 mingdan ortiq tomoshabin chipta xarid qilolmagan.


“Daryo.Afisha”: “Baron”ni qayerda tomosha qilish mumkin?


“Mustaqillik yillarida zamonaviy o‘zbek kinosida bunday holat ilk marotaba kuzatildi”, — deb yozadi “Shov-shuv.uz”.


“Baron” — o‘zbek superagenti haqida film



Batafsil | Подробно | Read more... Daryo