Blogerlar Facebook’dan Putinning sobiq turmush o‘rtog‘iga tegishli haqiqiy akkaunt topdi

Rossiya prezidenti Vladimir Putinning sobiq turmush o‘rtog‘i — Lyudmila Putinaning Artur Ocheretniy bilan turmush qurgani haqida xabarlar paydo bo‘lganidan so‘ng, rossiyalik blogerlar ijtimoiy tarmoqlarda Ocheretniyning sahifalarini izladi. Ma’lum bo‘lishicha, uning Facebook’dagi do‘stlari orasida Lyudmila Putina bor, deb yozadi TJournal.
… переформулирую: если Очеретный настоящий и существует, тогда это https://t.co/0ipSagHWdY настоящий ФБ-аккаунт Людмилы экс-Путиной
— Leonid Volkov (@leonidvolkov) January 25, 2016

Jurnalistlarning fikricha, Ocheretniy va Putinaning akkauntlari haqiqiy. Lyudmilaning Facebook’da 168 do‘sti bor, jumladan, Ocheretniy ham ular orasida. Biroq Putinaning do‘stlari safida federal darajada taniqli kishilarni uchratish qiyin.
Uning taxminiy eri deb aytilayotgan shaxsning do‘stlari orasida umumiy haqiqiy va taniqli akkauntlar uchraydi. Facebook’dagi Ocheretniy va Putinaning haqiqiyligini bilvosita tasdiqlovchi boshqa omillar ham mavjud.
@leonidvolkov Там какое-то подразделение этого центра, не помню название, создали, и Людмила в тот же день его залайкала
— Kashin⚓Kashin⚓Kashin (@KSHN) January 25, 2016

@leonidvolkov Я к тому, что слишком тонко для фейка
— Kashin⚓Kashin⚓Kashin (@KSHN) January 25, 2016

@leonidvolkov ну вот же pic.twitter.com/hIPgcGQlAf
— крошка цейтнот (@Inga_Kudracheva) January 25, 2016

Lyudmila Putinaning akkaunti eski: unda dastlabki fotosurat 2012-yilda joylashtirilgan. Biroq, 2015-yil oktabrida bu surat Lyudmilaning o‘zining-da e’tiborini tortgan: “Qanday qilib bu [fotosurat] yo‘q joydan chiqib qolib, shuncha yaxshi kayfiyat ulashganiga hayronman. Qandaydir noqulay ahvolda qolarkansan”.

Foto: TJournal

Lyudmila Putinaning postlarini tahlil qilib chiqqan TJournal’ning fikricha, u AdMe va Lifehacker kabi bir necha ko‘ngilochar sahifalarni kuzatib boradi va shu kabi mazmundagi materiallarni — testlar, “kuchli duolar”, yoga bilan shug‘ullanish videolarini ulashadi.

Foto: TJournal

Putinning sobiq turmush o‘rtog‘i Facebook’dagi o‘z sahifasida “Literaturnaya uchyoba” noshirlik uyi faoliyatini yoritib boradi — bu muassasaga uning hozirgi eri deb taxmin qilinayotgan Ocheretniy rahbarlik qiladi.
Batafsil | Подробно | Read more... Daryo