Britaniyalik rejissor senzorlarni 10 soat davomida quriyotgan bo‘yoqni tomosha qilishga majburladi

Britaniyalik rejissor Charli Layn Filmlarni tasniflash bo‘yicha Britaniya kengashi (BBFC)ni bo‘yalgan devorning qurishi jarayonini o‘n soat davomida tomosha qilishga majbur etdi, deb yozadi Meduza. Shu tariqa, u kinodagi senzuraga hamda BBFC’ning odamlar nimani ko‘rishi mumkin, nimani ko‘rishi mumkin emasligi bo‘yicha hukm chiqarishdagi roliga qarshi chiqdi.

Foto: Twitter / @charlielyne

Senzorlarni “jazolash” maqsadida Layn devordagi bo‘yoqning qurishi aks etgan filmni suratga oldi. So‘ng o‘z asarini tasniflash uchun mablag‘ yig‘ishga kirishdi — BBFC’ning xizmatlari pulli bo‘lib, tashkilot filmning har bir daqiqasi uchun 8,51 funt sterlingdan oladi. Uning kraudfandingi muvaffaqiyatli bo‘lib chiqdi — 686 kishi rejissorga qariyb 6 ming funt sterling ko‘chirib o‘tkazdi.
20-yanvar kuni Layn film nusxasini BBFC’ga topshirdi. Tashkilot asarni tomosha qilib chiqish uchun ikki nafar ekspertini jalb qildi. Ular filmni ikki kun tomosha qildi (ekspertlarning ish kuni 9 soat).
Nihoyat 26-yanvar kuni BBFC hukm chiqardi: Laynning filmi “Hamma uchun” kategoriyasiga tegishli.
Batafsil | Подробно | Read more... Daryo