Rossiyaning teleskopi “Xabbl”dan ming marta aniqroq bo‘lib chiqdi

Rossiyaning “Radioastron” kosmik observatoriyasi rekord darajada yuqori sifatli suratlarni oldi, deb yozadi “Hi-tech.mail.ru”. Tasvirlarning bunday sifatiga shu paytgacha hech kim erisha olmagani aytilmoqda.

Foto: “Hi-tech.mail.ru”

Radioteleskop Kaltakesak yulduzlar turkumining faol yadrosida BL Lacertae blazarini kuzatish uchun qo‘llanilgan edi. Plazma diski bilan qoplangan ushbu o‘ta yirik qora tuynuk atrofida bir necha yorug‘lik yiliga cho‘zilgan gazlar — jetlar paydo bo‘ladi.
Nazariy jihatdan, qora tuynuk va diskning aylanishi natijasida magnit maydoni chiziqlaridan spiral tuzilmalar yuzaga kelishi kerak. Rossiyalik mutaxassislar radioteleskopda ushbu tuzilmalarni ko‘rishga muvaffaq bo‘ldi.
Rossiya Fanlar akademiyasi Fizika instituti Astrokosmik markazi loyiha ilmiy dasturi rahbari Yuriy Kovalyov so‘zlariga ko‘ra, tasvirlar “Xabbl” teleskopinikidan ming marta yaxshiroqdir. “Bunday optik teleskop yordamida Oy yuzasidagi gugurt qutisini ham ko‘rish mumkin bo‘lardi”, — dedi u.
Batafsil | Подробно | Read more... Daryo