Тошкентда Asus компаниясининг бир неча моделдаги смартфонлари сотила бошланди

Яқин вақтдан бошлаб Тошкентда Тайваннинг Asus компанияси томонидан ишлаб чиқарилган смартфонларнинг бир нечта моделлари сотилмоқда, деб ёзади «Mobinfo.uz». Қайд этилишича, ҳозиргача фақат битта модель сотилган бўлиб, қолганларини фақатгина хорижий интернет-дўконлар орқали буюртма бериш мумкин бўлган.

Фото: mobinfo.uz

Ҳозирда Тошкентдаги «Флешка» савдо марказида (собиқ «Малика») Asus компаниясининг Zenfon линейкасидаги смартфонларининг бир нечта моделини сотиб олиш мумкин. Жумладан, Zenfon 2 (16, 32 ва 64 Гблик версияларда), Zenfon 5 (16 Гб) ҳамда Zenfon 6 (16 Гб) смартфонлари сотилмоқда.
Сотувчиларнинг сўзларига кўра, қурилмаларга бир йиллик фирма кафолати берилади. 16 Гб тезкор хотирага эга Zenfon 2 ўртача 1,2 миллион сўм, 16 Гблик Zenfon 6 1,1 миллион сўм, 16 Гблик Zenfon 5 эса 874 минг сўмга сотилмоқда.


Batafsil | Подробно | Read more... Daryo