Ekspert: Zika virusi G‘arbiy yarim shardagi 3—4 mln odamga zarar yetkazishi mumkin

Jahon sog‘liqni saqlash  tashkiloti tizimiga kiruvchi Panamerika sog‘liqni saqlash tashkilotining epidemiologiya bo‘yicha eksperti Markos Espinal Zika virusi Amerika qit’asida keng tarqalishi mumkinligini aytmoqda, deb xabar qiladi “TASS”.

Foto: AP Photo

“Zika virusi 3—4 million odamga zarar yetkazishi mumkin”, — dedi Espinal Jahon sog‘liqni saqlash tashkilotining Ijroiya qo‘mitasi yig‘ilishidagi chiqishida. Ammo u buning uchun qancha vaqt ketishi mumkinligiga oydinlik kiritmadi.
Zika virusi jinsiy aloqa va onadan homila yo‘ldoshi orqali bolaga o‘tadi, ammo boshqa yo‘l bilan to‘g‘ridan-to‘g‘ri odamdan odamga yuqmaydi. Chaquvchi Aedes Aegypti chivini Zika bezgagining asosiy tarqatuvchisi hisoblanadi.
Virus hozirgacha Osiyo, Afrika, Janubiy va Shimoliy Amerika, Tinch okeani hududlarida tarqalgani aniqlandi. G‘arbiy yarim sharda ayniqsa tez tarqalmoqda — virus 55 mamlakatdan 21 tasiga kirib bordi. 2015-yilning mayida Zika bilan kasallanganlar faqat Braziliyada qayd qilingandi.
Batafsil | Подробно | Read more... Daryo