Jo‘rabek Karimov Avstraliya Ochiq chempionatining finaliga chiqdi

O‘zbekistonlik tennischi Jo‘rabek Karimov o‘smirlar o‘rtasidagi Avstraliya Ochiq chempionatining finaliga chiqdi, deb xabar beradi “Sports.uz”.

Foto: “Sports.uz”

Musobaqaning yarim finalida 17 yoshli o‘zbekistonlik tennischi avstraliyalik Aleks De Minaurga qarshi kortga chiqdi. Deyarli ikki soat davom etgan mazkur bellashuvda O‘zbekiston vakili 3:6, 6:4, 6:3 hisobida irodali g‘alabani qo‘lga kiritdi.
O‘smirlar o‘rtasidagi Avstraliya Ochiq chempionati bosh sovrini uchun Jo‘rabek Karimov avstraliyalik Oliver Anderson va koreyalik Yun-Son Chon uchrashuvi g‘olibiga qarshi bahs yuritadi.
Eslatib o‘tamiz, bungacha Jo‘rabek ilk davrada AQSh vakili Ezikel Klarkni 6:1, 6:3 , ikkinchi bosqichda gonkonglik Entoni Tangni 6:4, 6:4 , uchinchi davrada koreyalik Chang-Yon Oxni 6:4, 6:2 , chorak finalda yaponiyalik Yosuki Vatanukini 6:3, 6:2 hisobida mag‘lub etgandi.
2015-yilda Avstraliya Ochiq chempionatining yarim finaligacha yetib kelgan Jo‘rabek Karimov o‘tgan yilgi natijasini yaxshilashga muvaffaq bo‘ldi.
Batafsil | Подробно | Read more... Daryo