O‘zbekistonda temiryo‘l chiptalari summasidan oziq-ovqat va qo‘shimcha xizmatlar uchun to‘lov chiqarib tashlandi

“O‘ztemiryo‘lyo‘lovchi” kompaniyasi 2015-yil 31-dekabrdan poyezd chiptalari narxidan qo‘shimcha xizmatlar, jumladan, oziq-ovqat uchun to‘lovni chiqarib tashladi, deb yozadi “Gazeta.uz”. Bu O‘zbekiston Respublikasi Xususiylashtirish, monopoliyadan chiqarish va raqobatni rivojlantirish davlat qo‘mitasi talabi bilan amalga oshirildi.

Foto: “O‘ztemiryo‘lyo‘lovchi” AJ matbuot xizmati

“O‘ztemiryo‘lyo‘lovchi” AJ tomonidan iste’molchilar huquqlarining cheklanishi haqidagi ish fuqarolar arizalari asosida qo‘zg‘atilgan. Tekshiruv chog‘ida aniqlanishicha, “O‘ztemiryo‘lyo‘lovchi” “Sharq” va “Nasaf” poyezdlarida 5335 so‘m miqdorida oziq-ovqat uchun to‘lov belgilagan va uni yo‘l chiptasi narxiga qo‘shgan.
“O‘ztemiryo‘lyo‘lovchi” xatti-harakatlarida “Iste’molchilar huquqlari himoyasi to‘g‘risida”gi qonunning 2-qismi 21-moddasi buzilishi belgilari aniqlandi, unga ko‘ra, sotuvchi (xizmat ko‘rsatuvchi) iste’molchini qo‘shimcha mahsulot yoki xizmatlar uchun pul to‘lashga majburlashga haqli emas.
Vaziyatni o‘rganib, Xususiylashtirish, monopoliyadan chiqarish va raqobatni rivojlantirish davlat qo‘mitasi “O‘ztemiryo‘lyo‘lovchi”ga qonunbuzarlikni bartaraf etish va bunday qonunbuzarliklarga kelajakda boshqa yo‘l qo‘ymaslik haqidagi farmoyishni yo‘naltirdi.
Batafsil | Подробно | Read more... Daryo