Nazarboyev Ostona bozorlariga chiqib, mahsulotlar narxlarini taqqosladi

Qozog‘iston prezidenti Nursulton Nazarboyev Ostona bozorlariga chiqib, mahsulotlarning narxlarini taqqosladi. Bu haqda u “Nur Otan” partiyasining navbatdan tashqari yig‘ilishida ma’lum qildi, deb xabar beradi  Tengrinews.

Foto: Tengrinews

“Men bundan oldin ataylab bozorga chiqdim. Ostonaning bir nechta bozorlarini ko‘rib chiqdim. Mana asosiy oziq-ovqat mahsulotlarining narxlari: mol go‘shti o‘tgan yilning yanvar oyida 1470 tenge turgan bo‘lsa, hozir 1150 tenge. Ot go‘shti o‘shanda 1600 tenge, hozir – 1400; non 108 tenge bo‘lgan, 108 tengeligicha qolgan. Sut 2015-yilda 199 tenge, hozir – 175 tenge; yog‘ avval 1500, bugun – 1300. Bu yerda butun bir ro‘yxat bor, hammasini aytib o‘tirmayman: makaron 257 tenge bo‘lgan, hozir – 170. Kartoshka 96 tenge bo‘lgan, hozir – 80 tenge. Yana nimalarni ko‘proq iste’mol qilamiz? Karam 96 tenge bo‘lgan, hozir – 107 tenge. Pomidor 600 bo‘lgan, hozir 850 tenge”, — dedi Nazarboyev.
Davlat rahbari, shuningdek, qurilish materiallarining narxlariga to‘xtalib o‘tdi.
“Qozog‘istonning o‘zida ishlab chiqarilayotgan barcha mahsulotlar qimmatlashishi mumkin emas. Chetdan keltirilayotgan narsalarni esa hali qarab chiqish lozim”, — deb ta’kidladi prezident.
Batafsil | Подробно | Read more... Daryo