Pentagon: IShID jangarilari Iroqdagi 40 foiz va Suriyadagi 5 foiz nazorat qiluvchi hududlarini yo‘qotdi

IShID ekstremistik harakati jangarilari o‘z vaqtida nazorat qilgan Iroqdagi hududlarining 40 foizini, Suriyadagi hududlarining besh foizga yaqinini yo‘qotdi. Bu haqda Iroq va Suriyadagi aksilterrorchilik operatsiyalarida ishtirok etayotgan AQSh qo‘shinlari guruhining rasmiy vakili, polkovnik Stiv Uorren ma’lum qildi, deb xabar beradi “TASS”.

Foto: AP Photo

Polkovnik Pentagon matbuot markazida to‘plangan jurnalistlar uchun Bag‘doddan telekonferensiya yordamida brifing o‘tkazdi.
AQSh Harbiy-havo kuchlari 2014-yilning 8-avgust kuni Iroqdagi, 23-sentabr kuni Suriyadagi IShID pozitsiyalarini bombardimon qilishni boshlagan edi. Iroqdagi harbiy harakatlarda Amerika aviatsiyasi bilan birga Avstraliya, Buyuk Britaniya, Iordaniya, Kanada, Niderlandiya va Fransiya, Suriyada esa Avstraliya, Bahrayn, Buyuk Britaniya, Iordaniya, Kanada, BAA, Saudiya Arabistoni, Turkiya va Fransiya samolyotlari ham qatnashmoqda.
Stiv Uorrenning so‘zlariga qaraganda, ushbu koalitsiyaning harakatlari tufayli yuqoridagi hududlar ekstremistlarning nazoratidan ozod qilingan.
Batafsil | Подробно | Read more... Daryo