Dunyoning eng qo‘rqinchli aeroportlari ro‘yxati e’lon qilindi (foto)

Britaniyaning The Telegraph nashri dunyoning eng qo‘rqinchli aeroportlari ro‘yxatini e’lon qildi. Undan to‘rt qit’a: Osiyo, Afrika, Yevropa va Janubiy Amerika havo qo‘nalg‘alari o‘rin olgan, deya xabar beradi “Korrespondent.net”.

Paro aeroporti. Foto: Getty Images

Butan qirolligidagi Himolay cho‘qqilari bilan o‘ralgan Paro aeroporti parvoz va qo‘nish uchun eng qiyin aeroportlar sirasiga kiradi. Lesotodagi Matekane aeroportining uchish-qo‘nish maydoni atigi 400 metrni tashkil etadi, uning oxiri esa 600 metrli jarlik yaqinida joylashgan.

Matekane aeroporti. Foto: Getty Images

Portugaliyadagi Madeyra havo qo‘nalg‘asi ham uchuvchi va yo‘lovchilar uchun qo‘rqinchli manzil hisoblanadi: uning uchish-qo‘nish maydoni 150 ta temirbeton ustunlar ustida joylashgan.

Madeyra aeroporti. Foto: Getty Images

Ro‘yxatga plyajda joylashgan hamda suv sathi ko‘tarilganda ishini to‘xtatadigan Barr (Shotlandiya) hamda uchish-qo‘nish maydoni 18,5 daraja qiyalikda joylashgan va uchuvchilardan maxsus tayyorgarlikni talab etadigan Kurshevel (Fransiya) aeroportlari ham o‘rin olgan.

Kurshevel aeroporti. Foto: Getty Images


Batafsil | Подробно | Read more... Daryo