Braziliya hukumati: Zika bezgagining avj olishi Rio-de-Janeyrodagi Olimpiadaning bekor bo‘lishiga olib kelmaydi

Zika bezgagini keltirib chiqaruvchi virusning tarqalishi Rio-de-Janeyroda avgust oyida o‘tkazilishi lozim bo‘lgan Olimpiada o‘yinlarining bekor bo‘lishiga olib kelmaydi. Bu haqda Braziliya prezidenti fuqarolik devonxonasining rahbari Jakis Vagnerning bayonotiga tayanib, “TASS” xabar beradi .

Foto: AvtoInsider

Shu bilan birga, u ushbu kasallikning homilador ayollar uchun qanday xavfni yuzaga keltirishini ta’kidlab o‘tdi. “Jiddiy deb aytish mumkin bo‘lgan xavf homilador ayollarga taalluqlidir. Shundan ko‘rinadiki, bu xavfdan yiroq bo‘lish uchun ularga Olimpiada davomida Rio-de-Janeyroga kelish tavsiya etilmaydi”, — deb ta’kidladi mansabdor.
1-fevral, dushanba kuni Jahon sog‘liqni saqlash tashkiloti Janubiy va Shimoliy Amerika mamlakatlarida Zika bezgagining avj olishini xalqaro sog‘liqni saqlash uchun favqulodda vaziyat deb e’lon qilgan edi.
Batafsil | Подробно | Read more... Daryo