Xalqaro hamjamiyat “Boko Haram” jangarilariga qarshi kurash uchun 250 million dollar ajratadi

Xalqaro hamjamiyat “Boko Haram” jangarilariga qarshi kurash uchun 250 million dollar ajratadi. Bu haqda Afrika Ittifoqi tinchlik va xavfsizlik masalalari bo‘yicha komissari Ismoil Shergi ma’lum qildi, deya xabar berdi “TASS”.

Foto: Trend

“Afrika davlatlari Aralash ko‘p millatli kuchlarini moliyalashtirish uchun 250 million dollar atrofidagi mablag‘ga egamiz. Buning uchun Nigeriya 110 million, Yevroittifoq 50, Buyuk Britaniya 8 million dollar ajratadi. Shuningdek, ayrim Afrika mamlakatlari ham o‘z hissasini qo‘shadi”, — deya ta’kidlagan komissar.
8,7 ming kishidan iborat Afrika kuchlari tarkibiga Benin, Kamerun, Niger, Nigeriya va Chad harbiy xizmatchilari kiradi. Kontingent oldiga “Boko Haram” va mintaqadagi boshqa terrorchi guruhlarga qarshi kurashish vazifasi qo‘yilgan.
Batafsil | Подробно | Read more... Daryo