IShID jangarilari Hindistonda terakt uyushtirmoqchi bo‘lganligi aniqlandi

Hindiston janubidagi Goa shtatida chet elliklarga hujum qilishni, Maxarashtra markaziy shtatida esa, terakt sodir etishni rejalashtirayotgan IShID guruhining a’zolari mamlakatning maxsus kuchlari tomonidan qo‘lga olindi. Bu haqda Hindiston Milliy tergov agentligi vakili bergan ma’lumotlarga asosan “TASS” xabar qilmoqda .

Foto: DNA India

Milliy tergov agentligi vakilining ma’lum qilishicha, Maxarashtra shtati Terrorizmga qarshi kurashish bo‘linmasi xodimlari IShIDning Hindistondagi bo‘lim rahbarlarining shaxsini aniqlab, ular tomonidan sodir etilishi mumkin bo‘lgan teraktlarning oldini oldi. “Tezkor ma’lumotlarga ko‘ra, bir necha guruh jangari kurortli hudud hisoblangan Goa shtatida chet ellik fuqarolarga qarshi hujum uyushtirishga, Maxarashtra shtatining eng yirik shaharlari ― Mumbay va Punada esa, terakt sodir etishga tayyorgarlik ko‘rgan. Gumon qilinganlarning bir necha nafari qo‘lga olindi, surishtiruv ishlari davom etmoqda”, ― dedi vakil.
Ma’lum qilinishicha, IShIDning Hindistondagi bo‘linmasini Muddabir Shayx boshqarib kelmoqda. Uning o‘rinbosari Xolid Ahmad Ali Navazuddiy, bir qancha vaqt oldin IShID guruhiga qo‘shilgan “Hindistonlik mujohidlar” oqimining faoli Shafi Armar esa, yoshlarni yollash ishlari bo‘yicha mas’ul hisoblanadi. Ushbu terrorchilarning barchasiga nisbatan qidiruv e’lon qilindi.
Batafsil | Подробно | Read more... Daryo