O‘zbekiston Haj delegatsiyasi Saudiya Arabistoniga jo‘nab ketdi

Joriy yilning 3-fevral kuni O‘zbekiston Respublikasining Haj delegatsiyasi Saudiya Arabistoni Podshohligi (SAP)ga jo‘nab ketdi. Bu haqda O‘zbekiston musulmonlari idorasi matbuot xizmati xabar bermoqda .

Foto: O‘zbekiston musulmonlari idorasi matbuot xizmati

Delegatsiya a’zolari Vazirlar Mahkamasi huzuridagi Din ishlari bo‘yicha qo‘mita raisi Ortiqbek Yusupov va O‘zbekiston musulmonlari idorasi raisi, muftiy Usmonxon Alimov bir hafta davom etadigan safar davomida SAPda Haj vaziri Bandar Hajjor bilan uchrashishi, muborak Haj—2016 mavsumini tashkil etishga taalluqli tashkiliy masalalarni kelishib olishi rejalashtirilgan. Delegatsiya a’zolari shuningdek, bu yilgi Haj mavsumida hojilarga xizmat ko‘rsatuvchi Umumiy Bosh Muassasa, Transport Uyushmasi, Haj vazirligining Makkai mukarrama va Madinai munavvara filiallari rahbarlari bilan ham uchrashadi. Safar davomida saudiyalik martabali mas’ullar bilan Haj safarini ko‘ngilli o‘tkazishga taalluqli masalalar muvofiqlashtirib olinadi.
Delegatsiya a’zolariga shuningdek, O‘zbekiston musulmonlari idorasi matbuot kotibi J. Nuriddinov va Vazirlar Mahkamasi huzuridagi Toshkent islom universiteti xalqaro aloqalar bo‘limi mudiri H. Hasanov hamrohlik qiladi.
Batafsil | Подробно | Read more... Daryo