Eron chempionatida Fozil Musayev Aleksandr Lobanov darvozasini ishg‘ol qildi (video)

2-fevral kuni Eron Pro Ligasida 18-turidagi markaziy o‘yinda o‘zbekistonlik ikki futbolchi Aleksandr Lobanov hamda Fozil Musayev o‘ynayotgan klublar o‘zaro to‘qnash keldi, deb xabar beradi “Sports.uz”.

Foto: “Sports.uz”

“Persepolis” o‘z maydonida azaliy raqibi – “Sepaxon”ni qabul qildi. “Eron klassikosi” ancha shiddatli ruhda o‘tdi.
Diqqatga sazovor jihati shundaki, o‘zbekistonlik har ikkala futbolchi ham o‘yinni asosiy tarkibda boshladi. O‘zbekiston milliy terma jamoasi yarim himoyachisi Fozil Musayev o‘yinning 10-daqiqasida Aleksandr Lobanov qo‘riqlayotgan darvozani ishg‘ol etdi. Ammo yakunda jamoalar 2:2 hisobida durang o‘ynadi.
“Championat.asia” nashrining qayd etishicha , Musayevning goli uning Eron chempionatidagi debyut goli bo‘ldi.
Persepolis – Sepaxon 2:2 (0:1)
Gollar: Ali AliPoor (50), Kamoliddin Kamyobiy Nia (74) — Fozil Musayev (10), Luchiano Pereyra Mendes (65).
Quyida Fozil Musayev kiritgan gol va o‘yin sharhini ko‘rishingiz mumkin.



Eslatib o‘tamiz, Musayev “Sepaxon” bilan 2014-yil dekabrida , Lobanov esa “Persepolis” bilan 2016-yil yanvarida shartnoma imzolagan.
Batafsil | Подробно | Read more... Daryo