Foto: Dehlida Chevrolet Spark’ning sedan versiyasi namoyish etildi

General Motors kompaniyasi Dehli avtosalonida Chevrolet Spark’ning sedan versiyasi — Chevrolet Essentia’ni namoyish etdi. Bu haqda “Avto Mail.ru” xabar bermoqda .

Foto: “Avto Mail.ru”

Sedanning old qismi Hindistonda Chevrolet Beat nomi bilan sotiladigan Spark’nikidan qisman o‘zgartirilgan, kuzovning o‘rtasidan boshlab qolgan qismi esa butunlay qayta ishlangan.

Foto: “Avto Mail.ru”

Avtomobil kelasi yildan seriyalab ishlab chiqarilishi kutilmoqda, texnik tafsilotlari hozircha ma’lum emas. Qayd etishlaricha, uning uzunligi to‘rt metrdan oshmaydi, avtomobilning bazaviy pozitsiyasida ham ikkita xavfsizlik yostiqchasi va MyLink2 multimedia tizimi bo‘ladi.

Foto: “Avto Mail.ru”


Foto: “Avto Mail.ru”

“Chevrolet Essentia Rossiya bozorida qachon paydo bo‘lishi noma’lum. 2016-yil martidan Rossiyada Spark’ning feyslifting qilingan varianti Ravon R2 nomi bilan sotiladi. Ravon brendi ostida Rossiyaga qachondir Essentia ham kirib kelishi mumkinligini istisno qilib bo‘lmaydi”, — deb yozadi “Avto Mail.ru”.
Batafsil | Подробно | Read more... Daryo