Oybek va Nigora ma’naviyat darslariga kelmaganligi uchun “O‘zbeknavo” tomonidan ogohlantirilgani ma’lum bo‘ldi

“O‘zbeknavo” estrada birlashmasi xonandalar Jasur Umirov, Oybek va Nigora hamda Umidaxonni nima sababdan ogohlantirgani ma’lum bo‘ldi. Bu haqda birlashmaning Maxsus ruxsatnoma (litsenziya) beruvchi tashkiliy boshqarmasi boshlig‘i Odiljon Abduqahhorov “Daryo” muxbiriga ma’lum qildi.

Foto: “Qalampir.uz”

“Jasur Umirov, Oybek va Nigora, Umidaxon va boshqa xonandalarga ogohlantirishlar san’atkorlar uchun o‘tkazilgan ma’naviyat darslariga kelmaganligi sababidan berilgan”, — deydi Odiljon Abduqahhorov.
“Bir narsani alohida takidlab o‘tishim kerak — bu san’atkorlar tadbirlarda muntazam qatnashgan, tarbiyasi, axloqi ham yaxshi, ammo ma’naviyat darslariga kelmagani uchun ogohlantirildi”, — dedi “O‘zbeknavo” vakili.
Avvalroq, xonanda Dilfuza Ismoilovaning “O‘zbeknavo” tomonidan ogohlantirilishiga uning “sariq kiyimdagi rasmlari” tarqalib ketgani ham sabab bo‘lgani ma’lum qilingan edi .
Eslatib o‘tamiz, 2-fevral kuni “O‘zbeknavo” estrada birlashmasi xonanda Tamila (va Zamir)ning litsenziyasi tugatilgani , xonanda Jasur Umirov, Dilfuza Ismoilova, Abduvali Rajabov, Oybek (Alimov), Nigora (Ismoilova) va Umida Xodjayeva ogohlantirilganini bildirgan edi .
Batafsil | Подробно | Read more... Daryo