Rossiya Turkiyani harbiy nazorat tartibini buzishda aybladi

Rossiya mudofaa vazirligi Turkiyani YeXHT mamlakatlari o‘rtasida imzolangan Ochiq osmon bo‘yicha shartnomani buzishda aybladi, deb xabar beradi Meduza.

Foto: “TASS”

Kelishuv shartlarida ishtirokchi davlatlar bir-birini harbiy tekshiruvlardan o‘tkazib turishi ko‘zda tutilgan. Mudofaa vazirligi vakili Sergey Rijkov turk harbiylari rossiyalik nazoratchilarga kuzatuv parvozini amalga oshirishga ruxsat bermaganini ma’lum qildi.
Rijkovning so‘zlariga ko‘ra, fevral oyining boshida kuzatuv olib borishga mo‘ljallangan An-30 samolyoti Turkiya ustidan, jumladan, Suriya bilan chegaradagi hududlar va NATO aviatsiyasi joylashgan aerodromlar ustidan uchib o‘tishi kerak edi. Rijkovning ta’kidlashicha, Rossiya missiyasi Turkiyaga kelib, parvoz yo‘nalishini taqdim etganda, turkiyalik harbiylar bunga rad javobini bergan.
Ochiq osmon bo‘yicha shartnoma 1992-yilda imzolangan, Rossiya 2001-yilda uni ratifikatsiya qilgan.
Batafsil | Подробно | Read more... Daryo