Honda xavfsizlik yostiqchalaridagi muammo tufayli Shimoliy Amerikadan 2,2 millionta avtomashinani chaqirib oladi

Yaponiyaning Honda Motor Co. kompaniyasi Shimoliy Amerikadagi chaqirib olish ishlarini kengaytirishga qaror qildi. Bu haqda Reuters bergan ma’lumotlarga asosan “Vedomosti” xabar qilmoqda .

Foto: “Scpr.org”

Ma’lum qilinishicha, avtomobil ishlab chiqaruvchi korxona nosoz deb topilgan Takata xavfsizlik yostiqchalarini almashtirish maqsadida 2005—2016-yillar davomida ishlab chiqarilgan 2,23 millionta Acura va Honda rusumli avtomashinalarini chaqirib oladi.
Shuningdek, xavfsizlik yostiqchalaridagi muammo tufayli Kanadada sotilgan 269 mingta avtomobil chaqirilishi ma’lum qilindi.
Nuqsonli mexanizmlarni ta’mirlash ishlari 2016-yilning yozida boshlanadi.
Eslatib o‘tamiz, 2015-yilda Honda Motor Co. kompaniyasi Takata Corp. tomonidan ishlab chiqariladigan xavfsizlik yostiqchasidagi nosozlik tufayli dunyo bo‘ylab 4,9 millionta avtomobilni chaqirib olgandi .
Batafsil | Подробно | Read more... Daryo