FIFA Kuvaytga JCh—2018 saralashidagi o‘ynalmagan bahs uchun texnik mag‘lubiyat yozdi

FIFA tartib-intizom qo‘mitasi Kuvayt terma jamoasining JCh—2018 saralash bosqichi doirasida Myanmaga qarshi o‘tkazilmay qolgan o‘yin yuzasidan qaror chiqardi, deb xabar beradi “Stadion.uz”.

Foto: FIFA

“G” guruhining bu bahsi 2015-yil 17-noyabr kuni bo‘lib o‘tishi kerak edi.
Tartib-intizom qo‘mitasi vaziyatni o‘rganib chiqib, bu o‘yinni bekor qilish va Kuvaytga texnik mag‘lubiyat yozish haqida qaror qabul qildi. Bundan tashqari, Kuvayt futbol assotsiatsiyasiga 10 000 frank miqdorida jarima to‘laydi.
Ushbu qarordan keyin Janubiy Koreya terma jamoasi muddatidan avval “G” guruhida 1-o‘rinni naqd qildi va keyingi bosqich yo‘llanmasini qo‘lga kiritdi. Koreyaliklar hisobida 18 ochko mavjud. Kuvayt va Livan 10 ochkodan jamg‘argan.
Eslatib o‘tamiz, Kuvayt futbol assotsiatsiyasi 2015-yilning 16-oktabr kuni FIFA a’zoligidan chetlatilgandi . Ushbu qaror mart oyida ham o‘z kuchini saqlab qolsa, Kuvaytning saralash bosqichidagi qolgan 2 ta o‘yiniga ham texnik mag‘lubiyat yoziladi.
Batafsil | Подробно | Read more... Daryo