Yevroittifoq Turkiyaga muhojirlar bilan bog‘liq muammolarni hal etish uchun 3 mlrd yevro ajratishga qaror qildi

Yevropa Ittifoqi mamlakatlari migratsiya bilan bog‘liq bo‘hronni bartaraf etishga qaratilgan chora-tadbirlar doirasida Turkiya bir necha milliard yevro miqdoridagi moliyaviy yordam ko‘rsatish to‘g‘risida kelishib oldi. Bu haqda “Korrespondent.net” xabar bermoqda .

Foto: EPA

3-fevral, chorshanba kuni Bryusselda bo‘lib o‘tgan uchrashuv chog‘ida YeIga a’zo mamlakatlar elchilari Anqaraga 2 milliard yevro ajratishga qaror qildi, yana 1 milliard yevro YeI budjetidan beriladi. Bu mablag‘ evaziga Turkiya hududidagi suriyalik qochoqlar ahvolini o‘nglash rejalashtirilmoqda. Yevrokomissiya raisi o‘rinbosari Frans Timmermansning ma’lum qilishicha, gap muhojirlarga tibbiy xizmat ko‘rsatishni yaxshilash, ularning o‘quv muassasalariga kirishini yengillashtirish xususida ketmoqda.
Turkiyaga moliyaviy yordam dasturidan ko‘zda tutilgan asosiy maqsad Yevropada boshpana izlashga majbur bo‘layotgan qochoqlar sonini kamaytirishdan iborat.
Batafsil | Подробно | Read more... Daryo