Starbucks Ar-Riyoddagi qahvaxonasiga ayollarning kirishi taqiqlanganini ta’mirlash ishlari bilan izohladi

1-fevral kuni Twitter foydalanuvchilaridan biri o‘z mikroblogi orqali Saudiya Arabistoni poytaxti Ar-Riyoddagi Starbucks’ning qahvaxonasiga kiritishmaganidan shikoyat qildi va qahvaxona eshigidagi e’lonning suratini joyladi. Unda ayollarga qahvaxonaga kirish taqiqlangani tufayli buyurtma uchun haydovchilarni yuborish tavsiya qilingandi, deb xabar beradi TJournal.

Foto: Twitter / @manarn8

Ayolning so‘zlariga ko‘ra, u Starbucks’ning elektron pochtasiga xat jo‘natgan, biroq javob ololmagan. Qahvaxonalar tarmog‘ining Twitter’dagi akkauntida ham bu shikoyatga nisbatan hech qanday munosabat bildirilmagan.
Al Weaam gazetasining yozishicha, yanvar oxirida muassasadagi erkaklar va ayollarning peshtaxtalarini ajratib turuvchi yog‘ochdan yasalgan to‘siq olib tashlangandan keyin shariat gvardiyasi ayollarga qahvaxonaga kirishni taqiqladi.
Starbucks Amerikaning Eater nashriga bergan izohida ajratib turuvchi to‘siq binoda ta’mirlash ishlari olib borilayotgani uchun olib tashlanganini ma’lum qilgan.
Batafsil | Подробно | Read more... Daryo