Turkiya Suriyadagi parvozlarning xavfsizligi bitimiga rioya qilishdan bosh tortgan

Turkiya harbiylari Rossiyaning Su-24M rusumli bombardimon samolyotiga hujum qilishdan oldin Suriyadagi parvozlarning xavfsizligi memorandumiga qarshi emasliklarini tasdiqlashdan bosh tortgan. Bu haqda Rossiya Mudofaa vazirligi bergan ma’lumotlarga asosan “Interfaks” xabar qilmoqda .

Foto: “TASS”

2015-yilda amerikalik va rossiyalik harbiylar Rossiya va AQSh yetakchiligidagi koalitsiya samolyotlari o‘rtasida sodir bo‘lishi mumkin bo‘lgan to‘qnashuvlarning oldini olish maqsadida o‘zaro kelishuv imzolagan.
“Ushbu memorandum doirasida, amerikaliklar kelishuvning mazmuni bilan koalitsiya ishtirokchilarini tanishtirib chiqish hamda hujjatda belgilangan qoidalarga qat’iy rioya qilish majburiyatini olgan”, ― dedi Rossiya Mudofaa vaziri o‘rinbosari Anatoliy Antonov.
Binobarin, koalitsiyaga a’zo bo‘lgan turkiyalik harbiylar o‘zining memorandumga bo‘lgan ijobiy munosabatini tasdiqlashdan bosh tortib, bu masala TIV vakolatiga kirishini bayon qilgan.
Antonovning ta’kidlashicha, turkiyaliklar “favqulodda aloqa” tarmog‘ini bir taraflama berkitib qo‘yib, Rossiyaning so‘rovlariga javob berishdan bosh tortgan.
“Buning natijasida, 2015-yil 24-noyabrda Turkiya Harbiy-havo kuchlari Rossiyaning bombardimon samolyotini urib tushirdi, rossiyalik harbiylar qurbon bo‘ldi”, ― dedi vazir o‘rinbosari.
Batafsil | Подробно | Read more... Daryo