Rossiya TIV AQSh bilan yadroviy qurolni qisqartirish yuzasidan muzokaralarning imkoni yo‘qligini ma’lum qildi

Rossiya Federatsiyasi tashqi ishlar vaziri o‘rinbosari Sergey Ryabkov yadroviy qurollarni bundan keyin qisqartirish sohasidagi Rossiya—Amerika muzokaralarining hozircha imkoni yo‘qligini ma’lum qildi. Bu haqda “Interfaks” xabar beradi .

Foto: AP Photo

“Rossiya tomonining strategik hujum qurol-aslahalari va umuman yadroviy qurollarni qisqartirish yuzasidan muzokaralarni davom ettirish bo‘yicha pozitsiyasi avvalgicha qolmoqda. Ushbu sohadagi ikki tomonlama Rossiya—Amerika muzokaralarining bir nechta sabablarga ko‘ra imkoni yo‘q hisoblanadi”, — dedi u.
Ryabkovning ta’kidlashicha, davlatlarning suveren tengligi asosidagi umumiy xavfsizlikni mustahkamlovchi, barcha uchun teng xavfsizlikni kafolatli ta’minlovchi vaziyat yaratilgandagina muzokaralarni davom ettirish masalasini ko‘rib chiqishga qaytish mumkin.
Batafsil | Подробно | Read more... Daryo