Tayvanda sodir bo‘lgan zilzila qurbonlari soni 23 kishiga yetdi

Tayvanning Taynan maxsus munitsipalitetida sodir bo‘lgan kuchli zilzila qurbonlari soni 23 kishiga yetdi. Bu haqda Xitoyning Sina portali bergan ma’lumotlarga asosan “TASS” xabar qilmoqda .

Foto: AP Photo

Oldinroq 6-fevral, shanba kuni sodir bo‘lgan zilzila qurbonlari soni 18 kishiga yetganligi xabar qilingan edi .
Yunkan hududidagi “Veyguan” turar-joy binosi vayronalari ostida yana 120 nafarga yaqin odam qolib ketganligi taxmin qilinmoqda.
Ko‘p qavatli bino qoldiqlarini ajratish operatsiyasi bo‘yicha qidiruv-qutqaruv ishlariga 600 nafardan ziyod odam, 150 tadan ziyod texnika jalb qilingan.
17 qavatli binoning vayronalari ostida qurbon bo‘lganlar soni 23 kishini tashkil etmoqda, ulardan olti nafari bolalardir.
Ta’kidlanishicha, binoda 96 ta xonadon bo‘lib, 256 kishi istiqomat qilib kelgan. Yerosti silkinishi oqibatida bino ikkiga bo‘linib, uning yuqori qismi yerga qulab tushgan. Rasmiylarning taxmin qilishicha, uy sifatsiz materiallardan, qurilish qoidalariga rioya qilinmasdan qurilgan. Hodisa bo‘yicha tegishli surishtiruv ishlari olib borilishi ma’lum qilinmoqda.
Batafsil | Подробно | Read more... Daryo