Shuhrat Qayumov hozirgi o‘zbekcha qo‘shiqlari orasida “adabiyotga daxli yo‘q odamlar”ning ishlari ko‘payganini tanqid qildi

O‘zbekistonda xizmat ko‘rsatgan artist, suxandon va xonanda Shuhrat Qayumovning fikricha, haqiqiy ijod mahsullari vaqt o‘tgani bilan, o‘z qadrini yo‘qotmaydi. Bu haqda “Bekajon” gazetasi xabar bermoqda.

Foto: “Kun.uz”

“Afsuski, hozirgi qo‘shiqlar orasida adabiyotga daxli yo‘q odamlarning ‘qalamiga mansub’ so‘zlar jamlanmasi ancha ko‘paygan. Ularda na qofiya, na ma’no bor. Bular, albatta, vaqtinchalik”, — dedi O‘zbekistonda xizmat ko‘rsatgan artist Shuhrat Qayumov.
“Haqiqiy ijod mahsullari esa asrlar o‘tsa-da o‘z o‘rnini yo‘qotmaydi, yangi tinlovchilar, yangi avlodlarni o‘ziga jalb etib boraveradi. Misol uchun, maqom ashulalarimiz uzoq asrlardan beri yashab kelayotgan bo‘lsa, ayrim bastakorlarning yaratgan qo‘shiqlari hozirgi paytda maqomlarimiz darajasiga ko‘tarilgan”, — dedi Shuhrat Qayumov.
Batafsil | Подробно | Read more... Daryo