Berlin prokuraturasi Rossiyaning “Birinchi kanal” muxbiriga qarshi tergov boshladi

Berlin prokuraturasi Rossiyaning “Birinchi kanal” jurnalisti Ivan Blagoyga qarshi tergov jarayonini boshladi. Blagoyning Berlinda rus tilida so‘zlovchi 13 yoshli qizning yo‘qolib qolganligi haqidagi syujeti ustidan nemis advokati Martin Lyutle shikoyat bergandi, deb xabar qiladi Meduza.

Foto: The Insider

Lyutlening so‘zlariga ko‘ra, ayni vaqtda advokatning arizasiga ko‘ra, tekshiruv ishlari boshlangan. Blagoyga hozircha hech qanday ayblov e’lon qilingani yo‘q.
Martin Lyutle Berlin prokuraturasiga murojaat qilib, “Birinchi kanal”da efirga uzatilgan syujet ustidan shikoyat qilgandi. Advokat huquqni muhofaza qiluvchi organlardan syujetda millatlararo ixtilofni yuzaga keltirish belgilari bor-yo‘qligini tekshirishni so‘radi. Lyutlening fikriga ko‘ra, syujet Rossiya televideniyesida chiqqaniga qaramay, uni rus tilida so‘zlashuvchi oltin milliongacha Germaniya fuqarosi ko‘rishi mumkin edi.
Ivan Blagoyning syujeti 16-yanvarda efirga uzatildi. Unda Berlinda yashovchi rus tilida so‘zlashuvchi oilaning 13 yoshli qizi yo‘qolib qolgani va 30 soatdan beri uyiga qaytmayotgani aytiladi. Syujetda qizchani muhojirlar zo‘rlagan bo‘lishi mumkinligi, politsiya esa jinoyatni yashirayotgani haqida so‘z boradi.
Bir necha kundan keyin shahar markazida zo‘ravonlikka qarshi miting o‘tkazildi va unda yuzlab odamlar ishtirok etdi. Berlin politsiyasi syujetda aytilganidek, odam o‘g‘irlash va zo‘rlash sodir bo‘lmagani, qizcha esa do‘stining uyida ota-onasidan yashirinib olganini aniqladi.
Batafsil | Подробно | Read more... Daryo