Zika virusi tufayli o‘z sog‘lig‘idan xavotirlanayotgan amerikalik sportchilarga Rio—2016 ga bormaslik tavsiya qilindi

AQSh Olimpiya qo‘mitasi Amerika sport federatsiyalari va sportchilariga Zika virusi tufayli o‘z sog‘lig‘idan qayg‘uruvchilarga Rio-de-Janeyroda o‘tkaziladigan 2016-yilgi yozgi Olimpiada o‘yinlariga bormaslikni tavsiya qildi. Bu haqda Reuters agentligi ma’lumotiga tayanib, “RBK” xabar beradi .

Foto: Metro News

Bu haqda qo‘mita Amerika sport federatsiyalari rahbarlari bilan telefon orqali konferensiya chog‘ida ma’lum qilgan. Konferensiya yanvar oyi oxirida bo‘lib o‘tgan. AQSh Olimpiya qo‘mitasi vakili Mark Jons boshqarma federatsiyalarni Zika virusining sportchilar uchun xavfli ekanligi haqida xabardor etganligini agentlikka tasdiqlagan.
Fevral oyining boshida Braziliya prezidenti ma’muriyatining rahbari Jakis Vagner ushbu virus asosan homilador ayollar uchun xavfli hisoblanganligi uchun ularga Rio-de-Janeyroga kelish tavsiya etilmasligini ma’lum qilgan edi.
Batafsil | Подробно | Read more... Daryo