Buyuk Britaniya Rossiya va NATO o‘rtasida mojaro yuzaga kelsa kuchlarni Yevropaga ko‘chirish bo‘yicha o‘quv mashg‘ulotlarini o‘tkazadi

Buyuk Britaniya qurolli kuchlari Iordaniyada kuchlar va texnikani tezkor ko‘chirish rejasi ishlab chiqiluvchi keng ko‘lamli o‘quv mashg‘ulotlarini o‘tkazadi. Bu haqda The Daily Telegraph ma’lumotiga tayanib, Meduza xabar beradi .

Foto: EPA

Nashrning ma’lum qilishicha, o‘quv mashg‘ulotlari Suriya bilan chegaradosh bo‘lgan Iordaniyada o‘tkazilishiga qaramasdan, ular IShIDga qarshi kurashish bilan bog‘liq emas.
“Shamol to‘foni” (Shamal Storm) nomini olgan o‘quv mashg‘ulotlari davomida Rossiya bilan NATO o‘rtasida qarama-qarshilik yuzaga kelgan taqdirda Britaniya bronetexnikasining ancha qismini Sharqiy Yevropaga ko‘chirish rejasi ishlab chiqilishi mumkin.
Britaniya Mudofaa vazirligi rasmiy vakilining ma’lum qilishicha, Iordaniyada har yili o‘tkaziladigan o‘quv mashg‘ulotlari Britaniya armiyasining dunyoning istalgan nuqtasida 30 ming kishigacha bo‘lgan qurolli kuchlarni qo‘llab-quvvatlash va kengaytirish uchun to‘liq jangovar shay holatini ta’minlashi lozim.
Batafsil | Подробно | Read more... Daryo