Tojikiston bosh prokuraturasi davlatni to‘ntarishga harakat qilinganlik holati bo‘yicha tergovni yakunladi

Tojikiston bosh prokuraturasi tomonidan respublikada davlatni to‘ntarishga harakat qilinganlik holati yuzasidan qo‘zg‘atilgan jinoyat ishi bo‘yicha tergov harakatlari tugatildi. Bu haqda harbiy prokuror bergan ma’lumotlarga asosan “TASS” xabar qilmoqda .

Foto: AP Photo

Ma’lum qilinishicha, 199 nafar ayblanuvchiga nisbatan to‘plangan tergov materiallari Tojikiston Oliy sudiga yuborildi. Respublikaning sobiq Mudofaa vaziri o‘rinbosari Abduhalim Nazarzoda boshchiligidagi qo‘zg‘olonda ishtirok etgan yana 40 nafar gumonlanuvchi halqaro qidiruvga berilgan.
Ta’kidlanishicha, jinoyat ishidagi ayrim epizodlar Tojikiston milliy xavfsizligi masalalariga aloqador bo‘lganligi sababli, tergov harakatlari “maxfiy” grifi ostida olib borilgan. 9-fevral kuniga tayinlangan dastlabki ayblanuvchilarning sudi ham yopiq sud majlisida olib boriladi.
Eslatib o‘tamiz, Tojikiston Qurolli kuchlarining quruqlikdagi qo‘shinlari qo‘mondoni o‘rinbosari Nazarmahmad Safarov qurolli guruhga aloqadorlikda gumon qilinib, hibsga olinganligi , shuningdek, Abduhalim Nazarzoda besh yil davomida isyon ko‘tarishga tayyorgarlik ko‘rganligi  xabar qilingan edi .
Batafsil | Подробно | Read more... Daryo