AQSh elchixonasidagilar rossiyaliklarga o‘z hukumatini tanqid qilish imkoniyatini tilab qoldi

AQShning Moskvadagi elchixonasida prezident Barak Obama iblis sifatida tasvirlangan aksiyani izohlashdi, deb yozadi “Gazeta.ru”.

Foto: “RBK”

“Biz rossiyaliklarning siyosiy fikrini bildirish erkinligidan foydalanishini ma’qullaymiz. Jonli va erkin tarzda fikr almashish har qanday demokratiyaning asosi hisoblanadi. Biz rossiyaliklar o‘z rahbariyatini ham shunga o‘xshash masalalarda tanqid qilish imkoniyatiga ega bo‘lishiga umid qilishni istardik”, — dedi elchixona vakili Uill Stivens.
Eslatib o‘tamiz, avvalroq AQShning Moskvadagi elchixonasi qarshisidagi turar-joy binosiga Amerika prezidenti Barak Obama portreti va Killer (“qotil”) yozuvi tushirilgan plakat osib qo‘yilgani  xabar berilgan edi . Ushbu aksiya uchun javobgarlikni “Glavplakat” art-jamiyati tarafdorlari o‘z bo‘yniga oldi. Guruh saytida yozilishicha, o‘n metrli banner “AQSh hukumatining xorijiy davlat hududiga navbatdagi harbiy hujum bo‘yicha rejalari”ga bag‘ishlangan.
Moskvadagi binolardan yana birida esa projektor yordamida AQSh prezidenti iblis qiyofasida turli mamlakatlarning bayroqlarini yeb qo‘yayotgani videosi aks ettirilgan edi.
Batafsil | Подробно | Read more... Daryo