O‘zbekistonlik dzyudochilar deyarli har bir vaznda Rio—2016 yo‘llanmalariga da’vogarlik qilmoqda

Xalqaro dzyudo federatsiyasi Fransiya poytaxti Parij shahrida bo‘lib o‘tgan “Katta dubulg‘a” turkumiga kiruvchi xalqaro turnirdan so‘ng sportchilarning Olimpiya reyting jadvalini e’lon qildi. Bu haqda O‘zbekiston Milliy olimpiya qo‘mitasi matbuot xizmati xabar bermoqda .

Foto: “Xalqaro fransuz radiosi”

Unga ko‘ra, o‘zbekistonlik sportchilar o‘z vazn toifalarida quyidagi o‘rinlarni egallab turibdi.
60 kg. Sharofiddin Lutfullayev – 7-o‘rin, Diyorbek O‘rozboyev – 16-o‘rin
66 kg. Rishod Sobirov – 7-o‘rin
73 kg. Mirali Sharipov – 29-o‘rin
81 kg. Shahzod Sobirov – 16-o‘rin
90 kg. Sherali Jo‘rayev – 24-o‘rin
100 kg. Ramziddin Saidov – 31-o‘rin
+100 kg. Abdullo Tangriyev – 29-o‘rin
Olimpiya reyting ochkolari o‘ynaladigan musobaqalar yakuniga ko‘ra, erkaklar o‘rtasida har bir vazn toifasida 1—22-o‘rinlarni band etgan sportchilar Olimpiada o‘yinlari yo‘llanmasiga ega bo‘ladi.
Agarda har bir vazn toifasida bir davlatdan bir nafar sportchining Olimpiada o‘yinlari yo‘llanmasiga ega bo‘lishini inobatga olsak, ayni paytda o‘z vazn toifalarida kuchli 22 talikka kirmay turgan Mirali Sharipov, Sherali Jo‘rayev va Abdullo Tangriyev kabi sportchilar ham Olimpiada o‘yinlari yo‘llanmasiga da’vogarlar safida turibdi. Sababi, ushbu vaznlarda 1—22-o‘rinlarni band etib turgan sportchilar orasida bir davlatdan ikki, uch xatto to‘rt nafardan sportchilar joy olgan.
Bugungi kunda faqatgina Ramziddin Saidov kuchli 22 talikdan o‘rin olmay turibdi. Biroq ushbu dzyudochida Osiyo kvotasi mavjud va u kuchli 22 talikka kirmagan holatda ham Rio—2016 o‘yinlariga yo‘llanma oladi.
Agarda Ramziddin Saidov kuchli 22 talikka kirib, Olimpiada o‘yinlari yo‘llanmasiga ega bo‘lsa, u holda Osiyo kvotasi O‘zbekiston qizlar terma jamoasi a’zolaridan biriga berilishi mumkin.
Batafsil | Подробно | Read more... Daryo