Toshkentda LG G4 Stylus smartfoni 1,1 mln so‘mdan sotuvga chiqdi

Toshkentda LG kompaniyasining  yangi G4 Stylus smartfoni sotila boshladi, deya xabar bermoqda “Mobinfo.uz”. U LG G4 flagman modelining arzon versiyalaridan biridir.

Foto: “Mobinfo.uz”

G4 Stylus’ning dizayni katta modelniki bilan bir xil, biroq undan asosiy farqi firma stilusiga egaligidadir. Bundan tashqari, G4 Stylus arzonroq materiallardan tayyorlangan.
Smartfon 5,7 dyuymli 258 ppi IPS-displey, sakkiz yadroli Snapdragon 410 protsessori, 1 Gb tezkor va 16 Gb ichki xotira (+microSD), 8 megapikselli asosiy va 5 megapikselli old kamera, 3000 mA/soat sig‘imli akkumulyatorga ega.
LG G4 Stylus LG UX 4.0 firma interfeysiga ega Android 5.0 Lollipop operatsion tizimida ishlaydi.
Ayni paytda Toshkentning “Fleshka” savdo markazida qurilmaning ikki xil versiyasi taklif qilinmoqda: Janubiy Koreya bozori uchun mo‘ljallangan versiyasini 1,1 million so‘m, bir yillik firma kafolatiga ega xalqaro versiyasini esa 1,3 million so‘mga xarid qilish mumkin.
Qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Batafsil | Подробно | Read more... Daryo