Rubik kubigini 0,8 soniyada yig‘ishga erishildi (video)

Rubik kubigini yig‘ish bo‘yicha 2016-yilning yanvarida o‘rnatilgan rekorddan bir necha hafta o‘tiboq, yangi rekord natijaga erishildi. Amerikalik iqtisodchi tomonidan ishlab chiqilgan kompyuter tizimi uni 0,887 soniyada yig‘ishga muvaffaq bo‘ldi. Bu haqda Gizmag xabar beradi .

Foto: Gizmag

Bundan avvalroq  ikki tashabbuskor – Jey Fletlend va Pol Rouz Rubik kubigini ikki soniyadan kam vaqt ichida yig‘ishga muvaffaq bo‘lgan robotni yaratgan edi. Uning kubikni yig‘ish uchun sarflagan vaqti 1,047 soniyani tashkil etgan edi.
Biroq muhandis va iqtisodchi Adam Bir tomonidan ishlab chiqilgan Sub1 tizimi bu rekordni ham yangiladi. Kubik robotga joylangandan so‘ng, veb-kameralar uni turli tomonlardan suratga olib, ma’lumotni kompyuterga uzatadi. Kompyuter esa Kotsembaning ikki fazali algoritmi yordamida ma’lumotning optimal yechimini topadi.
Kubik 20 ta harakat bilan 0,887 soniyada yig‘ildi. Adam Bir yaqin vaqt ichida rekordini Ginnesning Rekordlar kitobida qayd etishlari uchun ariza beradi.




Batafsil | Подробно | Read more... Daryo