Xitoy Opera brauzerini ishlab chiqqan kompaniyani 1,2 mlrd dollarga xarid qiladi

Xitoyning bir guruh kompaniyalari tomonidan Opera internet brauzerini ishlab chiqqan Norvegiyaning Opera Software ASA kompaniyasini 10,5 milliard Norvegiya kronasiga (1,2 milliard dollar) xarid qilishga kelishildi. Bu haqda Opera kompaniyasining bayonotiga tayangan holda “Interfaks” xabar qilmoqda .

Foto: Techinasia

Investorlar kompaniyaning bir dona aksiyasi uchun 71 krona taklif qilib, bu aksiyaning bozordagi so‘nggi qiymat darajasidan 46 foizga ko‘p ekanligini ma’lum qilmoqda. Opera aksiyalari egalarining uchdan bir qismi savdoni qo‘llab-quvvatlab, qolgan aksiyadorlarga ham buni qabul qilishni tavsiya qildi.
Golden Brick Capital Management boshqaruv kompaniyasi, Beijing Kunlun Tech o‘yin ishlab chiqaruvchi kompaniya, Qihoo 360 Technology himoya dasturiy ta’minot ishlab chiqaruvchi kompaniya va Yonglian Investment investitsiya firmasi investorlar guruhini tashkil qilmoqda.
Kutilayotgan savdo haqidagi xabarlar sabab bo‘lib, Opera aksiyalarining qiymati 5,4 foizga ko‘tarildi. Kompaniyaning kapital qiymati 7,1 milliard kronani tashkil qilmoqda.
Batafsil | Подробно | Read more... Daryo