“Yagona Rossiya” partiyasi “Adolatli Rossiya” partiyasiga uning Medvedev iste’fosi uchun imzo yig‘ish tashabbusiga javob qildi

“Yagona Rossiya” partiyasidagilar “Adolatli Rossiya” partiyasiga uning Rossiya bosh vaziri Dmitriy Medvedev iste’fosi uchun imzo yig‘ish bo‘yicha tashabbusi munosabati bilan javob qildi, deb yozadi “Gazeta.ru”.

Foto: “Chelyabinsk.er.ru”

“Yagona Rossiya” bosh kengashi kotibi Sergey Neverov partiya va uning rahbari Sergey Mironovni “o‘zlaridan boshlash”ga chaqirdi.
“Bajar yoki ket — bu o‘z-o‘ziga qilinadigan da’vat. U Rossiya parlamenti palatasi raisi lavozimini egallagan va hududlar muammolari bilan shug‘ullanish o‘rniga, o‘z topshiriqlarini bajargan odamga tegishli”, — dedi Neverov.
U, shuningdek, “Adolatli Rossiya” Medvedev nomzodini Rossiya prezidentligiga saylovlarda qo‘llab-quvvatlaganini eslatdi.
Eslatib o‘tamiz, avvalroq “Adolatli Rossiya” partiyasi vazirlar mahkamasiga yo‘naltirilgan ultimatum uchun 10 millionta imzo yig‘ishni boshlagan edi . Murojaatda bosh vazir Dmitriy Medvedevning iste’fosi so‘ralgan.
Batafsil | Подробно | Read more... Daryo