O‘zbekistonda sport bilan shug‘ullanadigan qiz bolalar soni 23 foizga o‘sdi

Islom Karimov raisligida 11-fevral kuni Oqsaroyda O‘zbekiston Bolalar sportini rivojlantirish jamg‘armasi Homiylik kengashining navbatdagi yig‘ilishi bo‘lib o‘tdi, deya xabar bermoqda  O‘zA. Prezident Jamg‘arma tashkil etilganidan buyon, xususan, 2015-yilda amalga oshirilgan ishlar va ularning ahamiyati to‘g‘risida atroflicha fikr yuritdi.

Foto: O‘zA

Majlisda ta’kidlanishicha, bugungi kunda qiz bolalarning 47 foizi, qishloq joylarda esa 44,7 foizi sport bilan muntazam shug‘ullanib kelmoqda. Bu ko‘rsatkichlar 2005-yilda 24 foizni, jumladan, qishloq joylarda 22 foizni tashkil etgan, xolos.
Viloyatlar miqyosida olib qaraganda, 2015-yilda qiz bolalarning sport bilan shug‘ullanishi Farg‘ona viloyatida 47,6 foizni, Namangan viloyatida 47,5, Samarqand va Xorazm viloyatlarida 47,4 foizni tashkil etdi.
Bundan tashqari, 2015-yilda sport bo‘yicha murabbiy va o‘qituvchilar 2005-yilga nisbatan 1,5 barobar ko‘paygan, jumladan, ayol sport ustozlari 3,8 barobar oshgan.
Batafsil | Подробно | Read more... Daryo