AQShda masjidga qarata o‘q uzgan amerikalikka 20 yil qamoq jazosi xavf solmoqda

2015-yilning noyabr oyida, Parijdagi teraktlarning ertasi kuni Konnektikut shtatidagi masjidga qarata o‘q uzgan amerikalikka 20 yilgacha qamoq jazosi va 250 ming dollar miqdoridagi jarima xavf solmoqda. Bu haqda “TASS” xabar beradi .

Foto: “TASS”

Xartford shahar okrug sudining 11-fevral, payshanba kuni bo‘lib o‘tgan sud majlisida 48 yoshli Ted Xekiga nisbatan jazo chorasi 10-may kuni tayinlanishi e’lon qilindi.
Ayblanuvchi 2015-yilning 14-noyabrida Parijdagi teraktlar haqida eshitgandan so‘ng, Meriden shaharchasidagi uyi qarshisida joylashgan masjidga qarata to‘rt marta o‘q uzganligini tan olgan. Xekiga nisbatan boshqa e’tiqod vakillariga nafrat tufayli jinoyat sodir etish, o‘qotar quroldan foydalanish va diniy muassasa mulkiga zarar yetkazish ayblovlari e’lon qilingan.
Amerikalik masjidga qarata erta tongda o‘t ochgan. Masjidda biror kishi bo‘lmaganligi uchun hech kim yaralanmagan.
Batafsil | Подробно | Read more... Daryo