Yevropa Ittifoqi Gretsiyani Shengen hududidan chiqarib yuborish bilan tahdid qildi

Yevropa Ittifoqi uch oy davomida chegaralarida nazorat tizimini tashkil qilishni Gretsiya hukumatidan talab qilib, aks holda, bu mamlakatni Shengen hududidan vaqtincha chiqarib yuborishga tahdid qildi. Bu haqda Meduza xabar qilmoqda .

Foto: “Korrespondent.net”

Ma’lum qilinishicha, yanvar oyida o‘tkazilgan tekshiruv natijasida Gretsiya chegara xavfsizligini ta’minlash bo‘yicha majburiyatlariga rioya qilmayotganligi aniqlangan.
Vaziyat uch oy davomida tuzatilmasa, Shengen hududiga a’zo bo‘lgan davlatlar Gretsiya bilan o‘rtada bo‘lgan chegaralardagi nazoratni qayta tiklashi mumkin.
Shengen kelishuvida, uning amalda bo‘lishi ikki yilgacha bo‘lgan muddatga cheklanishi mumkinligi qayd etilgan.
1995-yilda tuzilgan Shengen kelishuvi uni qabul qilgan mamlakatlar o‘rtasida erkin harakatda bo‘lish huquqini beradi. Hozirgi kunda, aksariyati Yevropa Ittifoqiga a’zo bo‘lgan 26 ta davlatda Shengen hududi joriy etilgan.
Eslatib o‘tamiz, Avstriya Shengen kelishuvini vaqtincha to‘xtatib, chegarasida ommaviy nazoratni joriy etishi ma’lum bo‘lgan edi .
Batafsil | Подробно | Read more... Daryo