Tojikistonda 1 million dollar miqdoridagi noqonuniy valyuta operatsiyalarini amalga oshirgan 25 yoshli yigit qo‘lga olindi

Tojikiston huquq-tartibot idoralari noqonuniy valyuta operatsiyalarida gumon qilib, Dushanbe fuqarosini qo‘lga oldi. Bu haqda mamlakat IIV matbuot markazi ma’lum qilgan, deya xabar beradi “TASS”.

Foto: “TASS”

“Poytaxtlik 25 yashar fuqaro mamlakat Milliy banki ruxsatisiz o‘zi tomonidan tashkil etilgan almashuv punktida xorijiy valyuta bilan noqonuniy oldi-sotdi qilayotganda qo‘lga olindi”, — deyiladi matbuot markazi xabarida.
Dastlabki tekshiruv chog‘ida gumonlanuvchi qisqa muddat mobaynida 1 million dollarlik noqonuniy valyuta operatsiyalarini amalga oshirgani ma’lum bo‘ldi. Jumladan, 2015-yil 12 dekabridan 2016-yil 21-yanvariga qadar fuqarolardan 800 ming dollar sotib olgan va Dubay shahriga yuborgan. Dubaydan esa Dushanbega 200 ming dollar jo‘natgan.
Mazkur holat bo‘yicha jinoiy ish ochildi.
Batafsil | Подробно | Read more... Daryo