Janubiy Koreya KXDRni ishchilarning maoshini yadroviy dasturga sarflaganlikda aybladi

Janubiy Koreya hukumati KXDRni Keson hududida joylashgan qo‘shma korxonalardagi ishchilar maoshining 70 foizini yadroviy dasturni rivojlantirish uchun sarflaganlikda aybladi. Bu haqda Yonhap News agentligi bergan ma’lumotlarga asosan “RBK” xabar qilmoqda .

Foto: Daily Mail

“KXDRga kelib tushadigan har qanday chet el valyutasi Mehnat partiyasiga o‘tkaziladi. Keyinchalik bu pullar yadroviy qurol va raketa ishlab chiqarishga yoki hashamatli ashyolar xarid qilishga ishlatiladi”, ― dedi Birlashish masalalari bo‘yicha vazir Xon Yon Pxe.
Ta’kidlanishicha, Kesondagi Shimoliy koreyalik ishchilar oyiga 160 dollar miqdorida naqd pul olishi lozim bo‘lgan. Ularning maoshi KXDR davlat agentligiga o‘tkazib berilgan. Endi esa Seul korxonalardagi 55 ming nafar ishchi kam pul mablag‘i olganligini ma’lum qilmoqda.
Eslatib o‘tamiz, 10-fevral, chorshanba kuni Janubiy Koreya texnopark hududidagi korxonalar faoliyati to‘xtatilishi va u yerda mehnat qilayotgan fuqarolarining evakuatsiyasi haqida e’lon qildi . Keyinroq esa Janubiy Koreya Keson sanoat parkiga elektr yetkazib berilishini to‘xtatdi .
Batafsil | Подробно | Read more... Daryo