“Kalibr” raketalari bilan jihozlangan Rossiyaning “Zelyoniy dol” kemasi O‘rtayer dengiziga kirdi

“Kalibr-NK” qanotli raketalar bilan jihozlangan Qora dengiz flotining “Zelyoniy dol” kichik raketa kemasi 14-fevral, yakshanba kuni Qora dengiz bo‘g‘ozidan o‘tib, O‘rtayer dengiziga kirdi. Bu haqda Turkiya OAVlari ma’lumotiga tayanib, “Vedomosti” xabar qilmoqda .

Foto: “TASS”

“Zelyoniy dol” bilan birga O‘rtayer dengizi akvatoriyasiga uni kuzatib boruvchi “Kovrovets” tralshchigi (dengizdagi minalarni topadigan va zararsizlantiradigan kema) ham kirdi. Ikkala kema 15-dekabr, dushanba kuni Suriya sohillariga yetib kelishi kutilmoqda. Bu yerda ular O‘rtayer dengizida navbatchilik qiluvchi harbiy kemalar guruhiga qo‘shiladi.
Oldinroq Qora dengiz floti matbuot xizmati “Zelyoniy dol” raketa kemasi va “Kovrovets” dengiz tralshchigi Rossiya Harbiy-dengiz floti tarkibida rejali vazifalarni bajarish uchun Sevastopoldan O‘rtayer dengiziga yo‘l olganini ma’lum qilgandi.
Batafsil | Подробно | Read more... Daryo