AQSh va Fransiya Turkiyani kurdlarga qarshi harbiy operatsiyani to‘xtatishga chaqirdi

Vashington va Parij Turkiya hukumatidan Suriya kurdlariga qarshi harbiy harakatlarni bas qilishni so‘radi, deb yozadi “RBK”.

Foto: Reuters

Xususan, Fransiya tashqi ishlar vazirligi Anqarani Suriyadagi kurd tumanlarini bombardimon qilishni to‘xtatishga chaqirdi hamda IShIDga qarshi operatsiya va Myunxenda 12-fevral kuni erishilgan bitimlarga rioya qilish birlamchi vazifa bo‘lishi kerakligini ta’kidladi.
AQSh, o‘z navbatida Turkiyani tiyilishga va Suriyadagi kurd tumanlarini artilleriyadan o‘qqa tutishni bas qilishga da’vat etdi. AQSh vitse-prezidenti Jozef Bayden Turkiya bosh vaziri Ahmet Davuto‘g‘li bilan telefon suhbati chog‘ida qayd etishicha, AQSh kurdlarning Turkiya chegarasida yaqinidagi hududlarni bosib olishiga yo‘l qo‘ymaslik uchun bor kuchini ishga solmoqda.
Nashr eslatishicha, avvalroq Turkiya kuchlari Suriya shimolida kurdlar nuqtalariga zarba bergan edi. Davuto‘g‘li buni tasdiqladi va Anqara Suriya hududidagi kurdlarning harakatlariga har safar javob qaytarishda davom etishini aytdi.
Batafsil | Подробно | Read more... Daryo