Kim Chen In: KXDR ishchi yo‘ldoshlarni ko‘proq uchirishi kerak

KXDR yetakchisi Kim Chen In kelajakda “mamlakatda ishchi yo‘ldoshlarni ko‘proq ishga tushirish” zarurati haqida gapirdi, deb yozadi “TASS”.

Foto: Reuters

U bu haqda 7-fevral kuni bortida “Kvanmyonson-4” yo‘ldoshi bo‘lgan eltuvchi raketani uchirishda ishtirok etgan bir guruh mutaxassislar sharafiga Pxenyanda uyushtirilgan banketda aytib o‘tdi.
“Yo‘ldoshni Yerga yaqin orbitaga uchirish haqidagi qaror dushman kuchlari xalq respublikasini bo‘g‘ishga qat’iy harakat qilayotgan vaqtda, qiyin vaziyatda qabul qilindi”, — dedi respublika rahbari.
“Inqilob va mustaqillik manfaatlariga qaratilgan kosmik qurilmaning muvaffaqiyatli parvozi KXDR xalqiga ishonch bag‘ishladi va mamlakat taraqqiyotiga to‘sqinlik qilmoqchi bo‘lgan dushmanlarga zarba berdi”, — deya ta’kidladi Kim Chen In.
Batafsil | Подробно | Read more... Daryo