Yevropa Ittifoqi Belarus prezidenti Aleksandr Lukashenkoga nisbatan sanksiyalarni bekor qildi

Yevropa kengashi 15-fevral, dushanba kuni Belarus prezidenti Aleksandr Lukashenko va mamlakat mansabdorlaridan yana 169 kishiga nisbatan joriy etilgan sanksiyalarni bekor qildi. Bu haqda “RBK” xabar bermoqda .

Foto: Reuters

Ulardan Yevropa Ittifoqiga kirishga taqiq va moliyaviy sanksiyalar olib tashlangan. Mamlakatdagi 3 ta kompaniyaga nisbatan sanksiyalar ham bekor qilingan. Qurol-yarog‘ yetkazib berish, YeI odamlar yo‘qolishiga aloqadorlikda gumon qilayotgan to‘rt kishi, shuningdek, 4 ta kompaniyaga nisbatan sanksiyalar o‘z kuchida qoldi.
YeI Belarusda siyosiy mahbuslar ozod etilganini inobatga oldi. 2015-yil avgustida Lukashenko xalqaro tashkilotlar siyosiy mahbus sifatida e’tirof etgan olti kishi, jumladan, mamlakat prezidentligiga sobiq nomzod Nikolay Stankevichni avf etgandi.
Yevroittifoq inson huquqlari muntazam ravishda buzilgani tufayli 1998-yilda Belarusga qarshi sanksiyalar joriy etgandi. 2004-yilda AQSh ham Minskka nisbatan cheklovchi choralarni qo‘lladi.
Batafsil | Подробно | Read more... Daryo