Misr prezidenti hokimiyat unga “narkotik ta’sir” o‘tkazmayotganligini ma’lum qildi

Misr prezidenti Abdul Fattoh as-Sisiy 05:00-05:30 da uyg‘onib, kunni yozishmalar va gazetalarni o‘qishdan boshlaydi. Bu haqda davlat rahbari JeuneAfrique jurnaliga bergan intervyusida ma’lum qilgan, deb xabar beradi “TASS”.

Foto: EPA

Uning so‘zlariga qaraganda, ertalablari u sport bilan biroz shug‘ullanish – yugurish yoki velosiped haydashga ulguradi. “Shundan keyin men kabinetga kelib, 23:00 ga qadar shu yerda qolaman”, — dedi prezident o‘z kun tartibi bilan bo‘lishib.
Ta’tilni o‘tkazish joyi haqidagi savolga as-Sisiy ta’til u biror yaxshi yangilik haqida eshitganda boshlanishini ma’lum qildi.
Misr yetakchisi hokimiyat uning boshini aylantirmayotganligiga ishontirdi. “Hokimiyat xuddi narkotik kabi ta’sir qiladi deyishadi, biroq mening holatimda bunday bo‘lmayapti”, — deb ta’kidladi as-Sisiy.
Batafsil | Подробно | Read more... Daryo