Volkswagen Germaniyada “dizelli mojaro”ga aloqador mashinalarni qaytarib olishni boshladi

Volkswagen AG (VW) konserni Germaniyada ilk 4,3 ming mashinani yoqilg‘i tashlanmasi bo‘yicha amaldagi standartlar talablariga keltirib, Yevropada dizel dvigatelli avtomobillardagi kamchiliklarni bartaraf etish dasturini boshladi. Mamlakatda jami 2,4 million avtomobil “dizelli mojaro”ga aloqador, deya xabar beradi “Interfaks”.

Foto: VistaNews

Konsern ma’lumotlariga ko‘ra, oxirgi uch hafta mobaynida 2 litr hajmli dizel dvigatelli Amarok mashinalarining taxminan yarmida kamchiliklar bartaraf etilgan. Mart oyida esa Passat avtomobillarini qaytarib olish mo‘ljallanmoqda. Kelgusi bir necha oy ichida ishlab chiqaruvchi dvigatel hajmi 1,2 va 1,6 litrli mashinalar ta’mirini boshlaydi.
Germaniyada mashinalarning qaytarib olinishi Yevropadagi “dizelli mojaro”ga taalluqli barcha avtomobillardagi nuqsonlarni yo‘qotish uchun namuna bo‘lib xizmat qilishi bildirilmoqda. Yevropada jami 8,5 million dona VW avtomobillari qaytarib olinadi.
Batafsil | Подробно | Read more... Daryo